Киодо басылымының хабарлауынша, ғалымдар бұған масканы арнайы жарық шығаратын бояумен өңдеу арқылы қол жеткізген.

Бояғыштың құрамында коронавирусқа әсер ететін түйеқұс жұмыртқасынан алынған антиденелер бар. 2020 жылдың ақпан айында ғалымдар аналық түйеқұстарға коронавирустың пассивті және қауіпсіз түрін енгізіп, олар салған жұмыртқалардан көп мөлшерде антиденелер алды.

"Төмен бағамен түйеқұс жұмыртқасынан көптеген антиденелерді алуға болады. Болашақта мен оны кез келген адам пайдалана алатын сынақтар жинағына айналдырғым келеді", - деді команда басшысы Ясухиро Цукамото.

Маска тестіне коронавирус жұқтырған 32 науқас қатысты. Олар киген маскалардың барлығы ультракүлгін сәуленің астында сәулеленген. Науқастардағы вирусты жүктеме азайған кезде, маскалардың түсі өзгермейді.   Цукамото командасы 150 пациентті зерттеуге қатыстырып, одан  ауқымды сынақтар өткізуді жоспарлап отыр.