Коронавирусты жұқтырмаған 389,2 мың адам мен COVID-19 жұқтырған 2,6 мың науқасты қамтитын алты талдау жұмыстарының нәтижелеріне сәйкес, бетперде кию ауру жұқтыруды 53%-ға төмендетуге ықпал ететінін көрсеткен.
Бұдан бөлек ғалымдар 200 елде эксперимент жүргізіп, нәтижесінде маска кию міндетті елдерде COVID-19 өлімі 45,7% төмен екенін анықтады.
Әлеуметтік қашықтыққа келетін болсақ, зерттеушілердің пікірінше, бұл шара да тиімді екенін көрсетіп отыр. Жүргізілген талдау нәтижелері бойынша, егер қашықтық сақталса, COVID-19 ауруы 25%-ға төмендейтіні белгілі болған. Бұл зерттеуге 108,9 мың дені сау және 2,7 мың адам коронавирус жұқтырған азаматтар қатысқан.
Сонымен қатар қолды жуу да коронавирустық инфекцияларды 53% азайтуға көмегін тигізеді, алайда ғалымдар зерттеу тиімділігін қарау кезінде маска кию және әлеуметтік қашықтықты талдауға қарағанда бұл шара айтарлықтай аз қамтылғанын атап өтті.
Пандемия басталғаннан бері әлемде шамамен 254,5 миллион адам коронавирус жұқтырып, 5,1 миллионнан астам адам қайтыс болған.