Министр бір реттік электронды темекіні сатылымнан алып тастау туралы: Бұл жерде кәсіпкерлердің де пікірін ескеру қажет
Қазақстанда бір реттік электронды темекімен күрес мәселесі қолға алынды. Бұл туралы ұлттық экономика министрі Әсет Ерғалиев айтты, деп хабарлайды Stan.kz ақпарат агенттігі.
"Бір реттік электронды темекімен күрес мәселесін денсаулық сақтау министрлігімен бірге қарастырып жатырмыз. Әзірге қашан және қалай болатыны туралы айта алмаймын. Бұл жерде мамандардан бөлек, кәсіпкерлердің де пікірін ескеру қажет. Барлық жақтың ұстанымын білу үшін уақыт керек. Сонымен қатар бұл мәселеге қатысты арнайы жұмыс тобы және депутаттармен бірлескен жұмыс жүріп жатыр", - деді Әсет Ерғалиев ОКҚ-де өткен баспасөз мәслихатында.
