Көненің көзі – ЖЕЛДИІРМЕН
Елге еңбегі сіңген Алмағанбет Ысқақовтың басшылығымен салынған диірмен бұл күнде кешегі күннің жарқын белгісіне, тәтті естелігіне айналған. 1940-жылдары қиын қыстау күндерінде елді аман алып қалу мақсатында қолға алынған бұл диірменді салу ісінде елдің талай еңбеккерлерінің маңдай тері бар.
Күндіз-түні еңбектеніп, маңдайы күнге күйіп, табаны жерге тілінген ауыл азаматтары салынған диірменнің арқасында тұтас елді аштықтан аман алып қалады. Қолмен бидай тартып, елді ұнмен қамтамасыз етеді. Бұл күнде Қармақшы ауылы орталығында көненің көзіндей болып тұрған желдиірмен сол кездердің белгісіндей болып тұр.
Желдиірмен облыстық тарихи мұра және мәдени ескерткіштер тізіміне енгізіліп, қайта қалпына келтірілді. Осылайша А.Ысқақовтың атымен аталатын мұражайға айналды. Бұл кешеден қалған мирас һәм сол заманнан елде қалған жалғыз тарихи мұра.
Аталған нысанмен есімі қатар аталатын тұлғаның атына халықтың сұрауымен көше атауы берілді.
