Аудан әкімі ауылдарда болды
Аудан басшысы Қайрат Нұртай жұмыс сапарымен Жаңажол, Иіркөл, Жосалы ауылдық округтерінде болып, тұрғындармен кездесіп, ұсыныс-тілектерін тыңдады. - Алдағы уақытта жүйелі жұмыстар, шешімін табуы қажетті мәселелер күтіп тұр. «Ауыл- алтын бесігіміз» дейтін болсақ, елді мекендердегі тұрғындардың өмір сүруге қолайлы орта қалыптастырып, жұмыссыздық мәселесін шешіп, кәсіпкерлік саласындағы жобаларды барынша қолдап, бірлесе жүзеге асыруға тиіспіз. Бұл мәселелер қызмет барысында атқарылатын жұмыстардың негізгі бағыттарының бірі болмақ, - деді аудан әкімі.
