Тұрмағамбет ауылының жастары шөп орудан белсенділік көрсетуде

Тұрмағамбет ауылының жастары шөп ору жұмыстарында белсенділік танытуда.

Өңірімізде қалыптасқан қуаңшылық жағдайына байланысты ауылдық елді мекендердегі мал шаруашылығымен айналысатын шаруа қожалықтары мен шаруаларға мал азағын дайындау үшін шөп ору жұмыстарына жастар тартылды.

Осы ретте ауылдық елді мекендерде ұйымдастырылған жастар бригадалары мал азығын дайындау ісіне белсенділікпен қатысуда.

Соның ішінде бүгінгі таңда Тұрмағамбет ауылының жастары да қысқы мал азығын дайындау шөп ору жұмыстарына өз үлестерін қосуда.

Ауылдық елді мекендердегі жастардың айтуынша - Біз қазір техника күші келмейтін, кіре алмайтын жерде қамыс орып жатырмыз. Осы жұмысты біткен соң өзге де бөлінген жерге барып көмектесеміз, - дейді. Олар бар жұмысты қол күшімен атқаруда. Ал аудандағы ірі шаруашылықтарда шабындықты техникамен оруға кірісті.