Иіркөл жастары мал азығын дайындауға ерте кірісті

Бүгін Қармақшы ауданы Иіркөл ауылдық округінің жастары мен тұрғындары мал азығы шөп шабу жұмыстарында белсенділік танытуда.

Өздеріңізге белгілі биыл өңірімізде жауын-шашынның аз түсуімен су тапшылығына байланысты қуаңшылық орын алып отыр.

Осы ретте аудан әкімінің тапсырмасына сәйкес «Жастар ресурстық орталығы» мамандарының ұйымдастыруымен жастар арасында шаруа қожалықтары мен ауыл тұрғындарына қысқы мал азығын дайындауға атсалысуды көтерген болатын.

Бүгін Иіркөлдік жастар бірлесіп шөп шабу жұмыстарын бастап кетті. Аталған жұмыстар барлық ауылдық округтерде жалғасын табатын болады.