Жыл сайын он мың қазақстандық жастар ірі қалаларға білім алу мақсатында келеді. Университетке түскен соң әрбір студент тұратын жеріне байланысты мәселені шешуге тырысады. Көп жағдайда олар жатақханада тұрақтап қалуды таңдайды. 

Мұндай жағдайда студенттерді жайлы әрі ыңғайлы жатақханалармен қамтамасыз ету мәселесі ерекше өзекті бола түседі.

Жатақханаларда тұру құнын әр өңір және ЖОО өзі бекітеді. Бұған дейін студенттер ай сайын орын үшін шамамен 3000 теңге төлейтін, себебі оқу орындарына студенттердің тұруы үшін олардың стипендиясының 15% -дан астамын алуға тыйым салатын заңнамалық норма болған. Осы норма жойылған сәттен бастап жатақханалардағы орын құны жоғарылады.

Қазіргі уақытта Қазақстанда жатақханаларда тұру ақысының мөлшері орта есеппен айына 10 000 теңгеден 30 000 теңгеге дейін жетеді.

Мысалы, Ресейде студенттердің жатақханада тұрғаны үшін орташа төлем 15 000-40 000 теңгені құрайды.

Украинада бір төсек-орынның құны бүгінгі күнде 20 000-40 000 теңгеге жетеді. Батыста, Еуропа елдерінде тұрғылықты орын ретінде "кампустар" танымалдыққа ие, оларды көбі ыңғайлы деп табады. Әрине, сұраныстың өсуіне орай, мұндай кампустарда орналасу құны орта есеппен 100 000-300 000 теңге болады.