Қазақстанда бірқатар қызметкерлер үшін міндетті вакцина мен ПТР-тест тапсыру енгізіледі
ҚР премьер-министрдің орынбасары Ералы Тоғжанов қай ұйымдардың қызметкерлері міндетті вакцинациядан өтуі керек екенін мәлім етті.
"Еліміздің барлық аймақтарында жүзеге асырылуы тиіс бірқатар шараларды қабылдадық. Қызмет көрсету саласының, ұжымы үлкен ұйымдардың қызметкерлеріне вакцинасыз жұмысқа кіргізілуіне шектеу қойылады. Өндірістік кәсіпорындарының, қызмет көрсету саласының немесе басқа да ұйымдардың медициналық қарсы көрсетілімі болмаса да, вакцинадан бас тартқан қызметкерлерден ПТР-тест талап етіледі.
Сонымен қатар, Ashyq жобасына тіркелу үшін мекеменің барлық қызметкері вакцинадан өтуі қажет. Бұл талап жүйеде бұған дейін тіркелгендерге де қатысты. Ashyq жобасына ойын-сауық орталықтарында, сауда үйлерінде және азық-түліктік емес базарларды қосылады", - деді Тоғжанов.
