Бүгін ауа райы қандай болады?
22 наурыз күні Республиканың басым бөлігінде құбылмалы күн райы сақталады, кей жерлерде жаңбыр және қар түрінде жауын-шашын жауып, екпінді жел тұрады.
Солтүстік, орталық, шығыс аймақтарда жаяу бұрқасын күтіледі. Республиканың жекелеген жерлерінде тұман, көктайғақ, оңтүстік-батысында найзағай болжанады.
Атап айтқанда, Павлодар, Қарағанды, Шығыс Қазақстан, Ақмола облыстарында кей жерлерде тұман, көктайғақ болады, 15-23 м/с екпінде жел тұрады. Ақмола, Қарағанды, Шығыс Қазақстан облыстарында сондай-ақ жаяу бұрқасын болады. Солтүстік Қазақстан, Қостанай, Батыс Қазақстан облыстарының кей жерлерінде тұман, көктайғақ болады.
Қостанай облысында күндіз желдің күші 15-20 м/с артуы ықтимал. Алматы облысының түнде және таңертең кей жерлерінде тұман болады.
Жалаңашкөл аумағында желдің күші 15-20 м/с күшеюі ықтимал. Қызылорда, Маңғыстау, Атырау, Ақтөбе облыстарында кей жерлерде тұман болады. Маңғыстау облысының жекелеген аумағында найзағай ойнайды. Жамбыл облысында кей жерлерде тұман, желдің күші 15-20 м/с, түнде кей жерлерде көктайғақ болады.
Барлық құқықтар қорғалған. baq.kz белсенді сілтемені пайдаланыңыз: https://baq.kz/news/othernews/22-nauryz-kungi-aua-rayy-kanday-bolmak/
