Бүгін ауа райы қандай болады?

     Синоптиктер 2020 жылы 16 ақпанда ауа райы қандай болатынын айтты, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.

   – Атмосфералық фронталды бөліктердің өтуіне байланысты республиканың басым бөлігінде тұрақсыз ауа райы сақталады: солтүстік жартысында қар, оңтүстік жартысында жауын-шашын (жаңбыр, қар түрінде) жауады. Кей жерлерде тұман, көктайғақ, бұрқасын, желдің күшеюі күтіледі, - делінген хабарламада. 

    Қарағанды, Қостанай, Ақмола, түнде Қызылорда облыстарының кей жерлерінде жаяу бұрқасын, тұман, көктайғақ күтіледі, жел секундына 15-20 метр күшейеді. Алматы облысының кей жерлерінде тұман, көктайғақ күтіледі, жел секундына 17-22 метр күшейеді, түнде Жалаңашкөл ауданында жел секундына 30 метр дейін күшейеді. Жамбыл, түнде және таңертең Түркістан облыстарының кей жерлерінде тұман, көктайғақ күтіледі, жел секундына 15-20 метр күшейеді, түнде Жамбыл облысында екпіні секундына 23-28 метр.

     Шығыс Қазақстан, Павлодар облыстарының кей жерлерінде тұман күтіледі, жел секундына 15-20 метр күшейеді, Шығыс Қазақстан облысында бұрқасынмен. Атырау, Солтүстік Қазақстан облыстарының кей жерлерінде тұман, көктайғақ күтіледі. Батыс Қазақстан, Ақтөбе облыстарының кей жерлерінде тұман күтіледі.