Бүгін «Нұр Отан» партиясы Қармақшы аудандық филиалы Ұлыстың Ұлы күні-Наурыз мерекесін атап өтті. Мерекеге аудандық №16 Қармақшы ауданының балалар-жасөспірімдер спорт мектебі, Халықаралық «Қазақ тілі» қоғамы аудандық филиалы бірлесіп қатысты. Мерекенің бастауын ұжым қызметкерлері «Кеудесі түкті Жер-Ана, құт дарыт, жарылқа!» деп жаңа егілген ағаштарға ақ бүркеді.

Сонымен қатар аудандық партия филиалы төрағасының бірінші орынбасары Д.Буханов Наурыздың шығу тарихы туралы бір үзік әңгімесін айтып, соңынан партия мүшелерін мерекелерімен құттықтады. Одан кейін аудандық партия филиалының сектор меңгерушісі К.Көбекованың әзірлеген «Наурыз көженінен» дәм татып, ризашылықтарын білдірді.