Каспий теңізінде үйректерді қайықпен басқандар жазаланды

Каспий теңізінде жүзіп жүрген үйректерді қайықпен басқа екі балықшы әкімшілік жазаға тартылды, деп хабарлайды Stan.kz ақпарат агенттігі. 

Ұлттық қауіпсіздік комитетінің шекара қызметінің хабарлауынша, өз әрекеттерін видеоға түсірген азаматтардың кім екенін анықталған. 
"Қазіргі таңда Қазақстан Республикасының аумағында орналасқан су қоймаларының ережелерін бұзғаны үшін екі азаматқа айыппұл салынды", - делінген ресми хабарламада. 
Олардың әрқайсысы 20 АЕК (55 560 теңге) көлемінде айыппұл арқалады. 
Бұған қоса, шекара қызметкерлері қазақстандықтарды табиғат тыныштығын бұзбауға шақырды.