Жосалы кенті әкімдігінің мәжіліс залында аудандық аналар кеңесінің ұйымдастыруымен «Мен отбасыммен мақтанамын» атты өнегелі отбасыларының жастарымен кездесу өткізілді.

Кездесуге облыс әкімі аппаратының «Қоғамдық келісім» КММ Қармақшы ауданы бойынша сарапшысы А.Нұрмағанбетова, аудандық аналар кеңесінің төрайымы Г.Раева және аудандық ішкі саясат бөлімінің бас маманы Ғ.Нысанбаев қатысты.

Кездесуде сонымен қатар үлгілі отбасыларының видеороликтері көрсетіліп, апаларымыз отбасылық тәрбие мен отбасы құндылықтары туралы сөз қозғаса, жас отбасылар жаңа өмірдің баспалдақтары жайында сөз қозғап отбасы жайлы жалпы мағлұматтарымен бөлісті.

Шара соңында Ұлттық отбасылық құндылықтарымызды насихаттауда өнегелі тәлім- тәрбиесі жастарға үлгі болып келген отбасыларға ұйымдастырушылар атынан алғыс хаттар мен бағалы сыйлықтар табыс етілді.