Коронавирус мутациялана бастады: Жаңа вирусқа 20A.EU1 деген атау берілді
Еуропада коронавирусты жұқтырғандардың 80%-ына мутацияланған коронавирус себеп болды. Бұл туралы ақпарат ҚР үкіметі жанындағы коронавирустың таралуына жол бермеу жөніндегі ведомствоаралық комиссияның Telegram каналында жарияланды, деп хабарлайды Stan.kz ақпарат агенттігі.
Каналдың хабарлауынша, бұл вирус бүкіл әлемді жайлаған коронавирустан өзгеше. Оған 20A.EU1 деген атау берілді. Гендік мутация Испанияда маусым айында пайда болып, Еуропаға оралған туристермен бірге таралды.
Испан генетигі Иньаки Комас вирустың таралуы коронавирус инфекциясын жұқтырған адамдардың бұқаралық іс-шараға қатысуынан басталды деп болжайды.
Ғалым вирустың одан әрі тез таралу себебі Испанияда демалып жатқан азаматтардың қауіпсіздік шараларын сақтамауымен байланысты болып отыр.
Мутацияланған вирустың тарау жылдамдығы және оның қаншалықты қауіпті екені әзірге белгісіз. Бұған дейін, АҚШ-та осыдан да агрессивті, D614G деп аталған, SARS-CoV-2-нің мутациясы анықталды.
