Аудан әкімі тренажерлық стритбол құрылысының жұмысымен танысты

Қармақшы ауданының әкімі Мұса Қалдарбеков Жосалы кентінің орталығында «Жұмыспен қамту жол картасы» бағдарламасы аясында салынып жатқан стритбол және тренжерлық алаңның құрылысымен танысты.
Бүгінде жастар саябағының аумағында орналасқан құрылыс нысаны аяқталуға жақын. Спорттық тренажерлық құрал-жабдықтар әкеліп орналастырылуда.

Аудан басшысы тапсырыс беруші тарапынан жұмыстардың сапалы әрі уақытылы аяқталуын бақылауды тапсырды.
Мұндай тренажерлық стритбол спорттық алаңы бағдарлама аясында Төретам кентінде де салынуда.
Ересектер мен балаларға арналған тренажерлық стритболдық алаңдары уақытты пайдалы және көңілді өткізуге бұқаралық спорттың дамуына мүмкіндік береді.