» » Қызылорда облысы әкімінің орынбасары егіс алқаптарын аралады

Қызылорда облысы әкімінің орынбасары егіс алқаптарын аралады

Биыл Сырдария өзенінде қалыптасып отырған су тапшылығы жағдайы Қызылорда облысында егісті сумен қамтамасыз ету мәселесін күрделендіре түсуде.

Аталған жағдайдың маңыздылығына байланысты Қызылорда облысы әкімінің орынбасары Бақыт Жаханов Қазалы ауданына барып, орын алып отырған жағдаймен танысты.

Басықара су торабының басында тиісті сала мамандары мен шаруашылық басшыларымен кездескен Бақыт Дүйсенұлы аймақтағы су тапшылығы мәселесін жан-жақты талқылады.

Кездесуде аудан әкімі Мұрат Ергешбаев ауданда қалыптасып отырған нақты жағдайды баяндап, шешу жолдары қарастырылды.

Өз кезегінде Бақыт Дүйсенұлы облыс бойынша су шаруашылығы жағдайының күрделілігін және қабылданып отырған шаралар туралы баяндап, аса жауапкершілікпен қарау қажеттігін ескертті.

Айта кету қажет, су тапшылығы орын алуына байланысты, бүгінгі таңда облысқа келіп жатқан су көлемін реттеп, Қазалы ауданының қажеттілігін дария суын Қараөзек арнасы арқылы жіберіп және Қараөзек бойындағы «Картонкомбинат» су тоспасында жиналған суды төменге тастау арқылы қамтамасыз ету жөнінде бұған дейін шешім қабылданған болатын. Алайда, шаруашылық басшылары бұл шешімнің нәтижесі әлі де байқалмауына байланысты облыс әкімінің орынбасарына қосымша шаралар қабылдап, шұғыл әрекет ете отырып, дарияға келіп жатқан судың дұрыс реттелуін қатаң бақылауға алу жөнінде ұсыныстарын білдірді.

Бұдан соң, облыс әкімінің орынбасары Бақыт Жаханов ауданда су тапшылығын көріп отырған бірқатар шаруашылықтың егіс алқабын аралап шықты.
03 тамыз 2020 ж. 603 0

PDF нұсқалар мұрағаты

№24 (10289)

23 наурыз 2024 ж.

№23 (10288)

19 наурыз 2024 ж.

№22 (10287)

16 наурыз 2024 ж.

Суреттер сөйлейдi

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031