Денсаулыққа қасақана жеңіл зиян келтірген

ЖОСАЛЫ, 19 маусым – qarmaqshy-tany.kz Қармақшы аудандық сотында ҚР ӘҚБтК-нің 73-1-бабының 1-бөлігімен азамат Ғ-ға қатысты әкімшілік іс қаралды.

Сот отырысында анықталғандай, азамат Ғ. 09 мамыр 2020 жылы, сағат 14.40 минут шамасында өзінің тұрғылықты үйінде зайыбы Ж.-мен сөзге келіспей, оны балағаттап, сол иығынан ұрып, денсаулығына қасақана жеңіл зиян келтірген.

Сот қаулысымен құқық бұзушы Ғ. ҚР ӘҚБтК-нің 73-1-бабының 1-бөлігімен кінәлі деп танылып, ол 3 (үш) тәулік әкімшілік қамаққа алынды.
Қаулы заңды күшіне енген жоқ.

Қармақшы аудандық сотының баспасөз қызметі