Қоғамдық орында масаң күйінде жүргені үшін айыппұл салынды
ЖОСАЛЫ, 17 маусым – qarmaqshy-tany.kz Қармақшы аудандық сотында Қазақстан Республикасы ӘҚБтК-нің 440-бабының 3-бөлігі бойынша Б-ға қатысты әкімшілік іс қаралды.
Сотта анықталғандай, азамат Б. бұрын осындай құқық бұзушылықты жасағаны үшін әкімшілік жауапкершілікке тартылғанына қарамастан, қоғамдық орында алкогольдік ішімдік ішкен күйінде жүрген.
Қармақшы аудандық сотының қаулысымен құқық бұзушы Б. Қазақстан Республикасы ӘҚБтК-нің 440-бабының 3-бөлігімен құқық бұзушылықты жасағаны үшін кінәлі деп танылып, он айлық есептік көрсеткіш мөлшеріндегі 27780 теңге айыппұл сомасы 30 пайызға қысқартылып, 19446 теңге көлемінде айыппұл салынды.
Қаулы заңды күшіне енген жоқ.
Қармақшы аудандық сотының баспасөз қызметі
