Аудан тұрғыны рұқсатсыз қару сақтаған
ЖОСАЛЫ, 12 наурыз – qarmaqshy-tany.kz Қармақшы аудандық сотында ҚР ӘҚБтК-нің 482-бабының 1-бөлігімен азамат М-ға қатысты әкімшілік іс қаралды, деп жазады аудандық соттың баспасөз қызметі.
![](/uploads/posts/2020-03/1583986976_6-bet-turghyndar-qaru-tapsyrdy.jpg)
Әкімшілік іс құжаттары бойынша М. есімді азамат қос ұңғылы аңшы мылтығын ішкі істер органдарының рұқсатынсыз сақтап, өзімен бірге алып жүрген. Осы әрекетімен құқық бұзушы М. ҚР ӘҚБтК-нің 482 бабының 1 бөлігінде көрсетілген құқық бұзушылықты жасаған.
Сот қаулысымен құқық бұзушы М. Қазақстан Республикасы ӘҚБтК-нің 482 бабының 1-бөлігінде көзделген әкімшілік құқық бұзушылықты жасағаны үшін кінәлі деп танылып, оған осы баппен қаруы мемлекет пайдасына тәркілене отырып, 37 114 теңге әкімшілік айыппұл салынды.