ГАЗ: Биыл үміт ақталмақ
Биылғы жылы Жосалы, Жалағаш, Тереңөзек аудандары мен Арал ауданына қарасты Жақсықылыш кентінде газдандыру жұмыстары аяқталады және Қазалы ауданына қарасты Ғ.Мұратбаев пен Шиелі ауданына қарасты Байсын елдімекендерінде газ жүргізу жұмыстары бастау алады. Мұнымен қоса, министрліктермен Қызылорда қаласына қарасты Наурыз, Махамбетов ауылдарын, Қазалы қаласын, Арал ауданына қарасты Сексеуіл кентін және Шиелі ауданының Ш.Қодаманов, Н.Бекежанов, Алғабас және Ақмая елдімекендерін 2021 жылы газға қосу мәселесі қарастырылуда.
