Мемлекеттік мекемелер бір мезетте әнұран орындады
Бүгін - мемлекеттік рәміздер мерекесі күні. Еліміздегі эпидемиологиялық ахуалға байланысты Мемлекеттік рәміздер күні мерекесі биылғы жылы онлайн форматта өтуде.
Рәміздер мерекесіне орай бекітілген іс-шаралар жоспарына сәйкес 4 маусым күні сағат 10.00-де барлық мемлекеттік мекемелерде қызметкерлер бір мезетте, карантин талаптарын сақтай отырып Мемлекеттік Гимн шырқалуда.
Гимн – мемлекеттің басты рәміздерінің бірі. Гректің «gimneo» сөзінен шыққан «гимн» термині «салтанатты ән» деген мағынаны білдіреді. Гимн ел азаматтарын тиімді әлеуметтік-саяси тұрғыдан топтастырып, этномәдени тұрғыдан теңдестіру үшін негізгі мәнге ие, маңызды дыбыстық рәміз болып саналады.
Облыстық ішкі саясат басқармасының ұжымы да басқарма дәлізінде Мемлекеттік гимн орындады.
