Фотобайқау жеңімпаздары марапатталды (фоторепортаж)

ЖОСАЛЫ, 2 маусым – qarmaqshy-tany.kz  Басылым ұжымы ұйымдастырған "Төл басылым – төрімізде" атты аудандық фотобайқаудың жеңімпаздары суретте жиналған лайк саны арқылы қорытындыланған болатын. Нәтижесінде қызылтамдық зейнеткер Баян Әбікенова ІІІ орынды қанжығасына байласа, 2 жастағы бүлдіршін Айзере Ерсінқызы ІІ орынды иеленді. ІІІ Интернационал ауылының "Бади-Нұр" балабақша ұжымы жүлделі І орын алса, Бас жүлде 2 жастағы кішкентай балақай Жібек Асылжанқызына бұйырды. Жеңімпаздар арнайы дипломмен марапатталып, сый-сияпаттар табысталды.

Айта кеткен жөн, басқа қатысушылармен алдағы уақытта байланысамыз. "Баспасөз – 2020" айдарымен әр газеттің санына қатысушы оқырмандар жарияланып отырмақ.