Бір күнде 2 әкімшілік іс медиация тәртібімен тоқтатылды
ЖОСАЛЫ, 22 мамыр – qarmaqshy-tany.kz Аудандық сотта ҚР ӘҚБтК-ң 73-2-бабының 1-бөлігімен екі әкімшілік іс қаралды, деп хабарлайды аудандық соттың баспасөз қызметі.
Сотта анықталғандай, құқық бұзушылар Г. және Б. жәбірленушілерге балағат сөздер айтып, ұрып-соғып, тән ауруына ұшыратқан, бірақ денсаулыққа жеңіл зиян әкеп соқпаған күш қолдану әрекеттерін жасағаны үшін оларға қатысты әкімшілік құқық бұзушылық туралы хаттама толтырылып, сотқа негізінен қарап, шешім қабылдау үшін жолданған.
Алайда, іс қарау барысында жәбірленушілер құқық бұзушылармен татуласуына байланысты істі тоқтатуды сұрап, қолдарын қойған жазбаша дауды реттеу туралы келісімі ұсынылған.
Сот, әкімшілік іс-құжаттарын зерттеп, іске қатысушылардың уәждерін тыңдап, тараптар татуласып, медиация тәртібімен бітімгершілікке келуіне байланысты, әкімшілік жауаптылықтан босатып, оларға қатысты ҚР ӘҚБтК-ң 73-2-бабының 1-бөлігімен басталған істерді жәбірленушілермен медиация тәртібімен бітімгершілікке келулеріне байланысты тоқтатты.
