» » COVID-19: Қызылордада 2 жастағы сәбиден коронавирус анықталды

COVID-19: Қызылордада 2 жастағы сәбиден коронавирус анықталды

Қызылорда облысында коронавирустық инфекцияны жұқтырған науқастар саны 231 адамға жетті, - деп хабарлайды kyzylorda-news.kz ақпарат агенттігі
Соңғы тәулікте жаңадан анықталған 1 жағдай туралы бүгін облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте баяндады.
«Қазіргі таңда Қызылорда облысында коронавирустық инфекцияны жұқтырған 231 жағдай тіркелді. Соңғы тәулікте жаңадан 1 жағдай анықталды. Аталған науқас – Қызылорда қаласынан. Ол кеше анықталған науқастың отбасы мүшесі, 2 жасар бала. Осылайша, Қызылорда қаласында инфекция жұқтырған науқастар саны 94 тұрғынға жетті», – деді Жақсылық Абдусаметов.
Оның айтуынша, COVID-19 індетін жұқтырған өңірдегі 231 науқаспен байланыста болғандардың жалпы саны – 3270. Оның ішінде, жақын қарым-қатынаста болғандар саны – 1798, ықтимал байланыста болғандар – 1472 адамды құрап отыр. Бүгінгі таңда барлығы бақылауға алынып, оқшауланған. Барлығының жағдайы қанағаттанарлық.
Сондай-ақ, бүгінгі таңда облысымыздағы жұқпалы аурулар ауруханасында – 71, правизорлық стационарда – 18, карантиндік стационарда – 131 адам бақылауда.
Брифингте Жақсылық Әбілқасымұлы мәлімдегендей, өткен тәулікте облысымызда коронавирустық инфекцияға байланысты 813 тест сынамасы жасалыпты.
«Соңғы тәулікте 813 тест сынамасы жасалды. Оның 805 – теріс мәнді болып шықты. Біреуі оң нәтиже берді. Ал, 7 – әлі тексерілу үстінде. Бүгінде облысымызда 4300 тест сынамасының қоры қалды», – деді ол.
Сондай-ақ, басқарма басшысы облыс тұрғындарын әлеуметтік арақашықтықты сақтауға шақырды.
«Өңірде коронавирустық инфекцияның таралуының алдын алу үшін бірнеше сақтық шараларын күнделікті дағдыға айналдыруымыз керек. Соның бірі – әлеуметтік арақашықтық. Бұл дегеніміз – қоғамдық орындарда, көшеде және тағы да басқа жерлерде басқа адамдармен 1 метр арақашықтықты сақтау. Қауіпті індетті жұқтырған адам түшкіргенде, одан жан-жағына майда ауа тамшылары таралады. Осылайша, ауаға инфекция таралады. Ал, жанындағы адам дем алғанда вирус жұқтырып алуы мүмкін», – деді Ж. Әбілқасымұлы.
12 мамыр 2020 ж. 114 0

PDF нұсқалар мұрағаты

№42 (9896)

06 маусым 2020 ж.

№41 (9895)

02 маусым 2020 ж.

№40 (9894)

30 мамыр 2020 ж.

Сұхбат

Суреттер сөйлейдi

Жаңалықтар мұрағаты

«    Маусым 2020    »
ДсСсСрБсЖмСбЖс
1234567
891011121314
15161718192021
22232425262728
2930