» » COVID-19: Қызылордада 1 айда 93 ер, 89 әйел адам қауіпті індетке шалдыққан

COVID-19: Қызылордада 1 айда 93 ер, 89 әйел адам қауіпті індетке шалдыққан


Қызылорда облысында коронавирустық инфекцияны жұқтырған науқастар саны 182 адамға жетті. Соңғы тәулікте анықталған 3 жағдайдың мән-жайы туралы бүгін облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте баяндады, деп хабарлайды
Kyzylorda-news.kz.
«Қазіргі таңда Қызылорда облысында коронавирустық инфекцияны жұқтырған 182 жағдай тіркелді. Соңғы тәулікте жаңадан 3 жағдай анықталды. Оның екеуі – Қызылорда қаласынан, біреуі – Қазалы ауданынан. Бұл науқастардың барлығы алдында анықталған науқастармен жақын қарым-қатынаста болып, карантиндік бақылауда болғандар. Қазалы ауданының тұрғыны Атырау облысында вахталық әдіспен жұмыс жасап келген. Сондай-ақ, соңғы тәулікте 11 науқас жазылып, отбасыларына оралды», – деді Жақсылық Абдусаметов.
Оның айтуынша, COVID-19 індетін жұқтырған өңірдегі 182 науқаспен байланыста болғандардың жалпы саны – 2830. Оның ішінде, жақын қарым-қатынаста болғандар саны – 1495, потенциалды байланыста болғандар – 1335 адамды құрап отыр. Бүгінгі таңда барлығы бақылауға алынып, оқшауланған. Барлығының жағдайы қанағаттанарлық.
Сондай-ақ, бүгінгі таңда облысымыздағы жұқпалы аурулар ауруханасында – 72, правизорлық стационарда – 54, карантиндік стационарда – 452 адам бақылауда.
Бүгін Қызылорда облысында коронавирустық инфекцияның алғашқы жағдайы тіркелгеніне тура 1 ай болды. Брифингте басқарма басшысы осы 1 айдың ішіндегі ахуалға тоқталды.
Оның айтуынша, аймақтағы қауіпті індетті жұқтырған науқастардың жасы – 0 мен 87 жас аралығында. Күні бүгінге дейін облыста 93 ер адам, 89 әйел адам осы індетке шалдыққан.
«Қазіргі таңда өңірдегі 1 науқастың жағдайы ауыр. 10 науқастың жағдайы орташа ауырлықта. Ал, 171 науқастың жағдайы қанағаттанарлық деңгейде. Бүгінге дейін осы инфекцияны жұқтырған 182 науқастың 16 – студент, 18 – мектеп оқушылары, 22 – зейнеткер, 44 – жұмыс жасайтындар, 49 – жұмыссыз тұрғындар, 26 – медицина қызметкерлері, 7 – балалар. 26 медицина қызметкерлерінің 4-еуі – дәрігер, 14 – медбикелер», – деді ол.
Сондай-ақ, бүгінге дейін правизорлық стационарда – 284, карантиндік стационарда – 1551 науқас ем қабылдаған. Облыста барлығы 245 – правизорлық, 920 – карантиндік төсек-орын дайындалған. Қазіргі таңда оның 50%-ы – бос тұрған көрінеді.
«Ұлттық сараптама орталығының облыстағы филиалында 3 сараптамалық ПТР, 1 жылжымалы ПТР аппараты жұмыс жасауда. Осы аппараттар арқылы тәулігіне 500 сынама тест жасауға мүмкіндік бар. Бір айдың ішінде облыста барлығы 9527 сынама тест жасалған», – деді Ж. Әбілқасымұлы.
28 сәуір 2020 ж. 467 0

PDF нұсқалар мұрағаты

№24 (10289)

23 наурыз 2024 ж.

№23 (10288)

19 наурыз 2024 ж.

№22 (10287)

16 наурыз 2024 ж.

Суреттер сөйлейдi

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031