Қызылорда облысына Атырау облысындағы коронавирус инфекциясы шыққан Теңіз кен орнынан 169 жұмысшы оралды, деп хабарлайды ҚазАқпарат.

Естеріңізге сала кетелік, «Теңізшевройл» компаниясы ауру ошағы деп танылған вахталық қалашықтан қызметкерлерді қайтару туралы шешім қабылдаған.

«Атырау-Қызылорда» бағыты бойынша жұмысшылар мінген ұшақ «Қорқыт ата» әуежайына келіп қонды. Жолаушылар арасында Қызылорда, Байқоңыр қалалары мен барлық аудан тұрғындары бар.

Облыстық жұмылдыру дайындығы басқармасының хабарламасы бойынша жұмысшылардан КВИ-ге тест сынамалары алынды. Нәтижелері таза болып шықса, үй жағдайында бақыланады.

Бұған дейін аймаққа 168 жұмысшы жеткізілген болатын. Сәуірдің аяғына дейін Атыраудан тағы бірнеше рейстің келуі күтіліп отыр.