ТИМУРШЫЛАР
Жуырда республикалық «Ардагерлерді ардақтайық» партиялық жобасының «Ардагерім –ардағым» акциясын жүзеге асыру мақсатында «Нұр Отан» партиясы Байқоңыр филиалының ұйымдастыруымен «Академик С.Джиенкулов» атындағы Байқоңыр колледжінің студенттері Ақай ауылының тұрғыны Зәмзәгүл Әлиеваның отбасында болып, күнделікті тұрмыс-тіршілігіне қолғабыс көрсетті. Жастардың бірі есік алдындағы қарды тазаласа, енді бірі отын жарып, суын тасып берді. Қыздар үй-ішіне тазалық жұмыстарын жүргізді.
– Жалғыз өзім болғандықтан, қыруар шаруа бар. Жастардың титтей болса да жұмысымды азайтуға септігін тигізіп жатқанына қуанамын. Барлығына ризамын, – дейді еңбек ардагері Зәмзагүл әжей.
