Қызылордада жылыжай кешені алғашқы өнімін бере бастады
Қызылорда облысының Махамбет ауылында орналасқан жылыжай кешенінде қияр өнімін жинау жұмыстары басталды, - деп хабарлайды kyzylorda-news.kz ақпарат агенттігіЖергілікті жұмысшылар күніне орта есеппен 5-6 тонна өнім жинайды. Болашақта өндіріс көлемін күніне 10, ал жылына 1000 тоннаға дейін ұлғайту жоспарланып отыр.
Жылыжайдың жалпы аумағы 2 гектарды құрайды. Мұнда заманауи жабдықтар қолданылады. Өсіру процесі автоматтандырылған. Кешенде 30-дан аса адам тұрақты жұмыспен қамтылған.
Естеріңізге сала кетейік, «КазАгроМир» ЖШС жылыжай кешені өткен жылдың соңында пайдалануға берілген.Жоба мемлекеттің қолдауымен жүзеге асырылды.
