Стратегиялық маңызы бар объектілерде қауіпсіздік шаралары күшейтілді. Ойын-сауық, спорттық және басқа да бұқаралық іс -шараларды өткізуге тыйым салынды. Адамдар көп жиналатын орындардың қызметіне сағат 22:00-ден кейін шектеулер қойылды.

Дегенмен, ағымдағы жылдың 23 наурызында Жосалы кентінде орналасқан "Данара" кафесінің иесі төтенше жағдайдың жариялануына байланысты мемлекеттік орган белгілеген режимді бұзып, аталған кафенің сағат 22:00-ден кейін жұмыс жасауына жол беріп, тұтынушыларға қызмет көрсеткені анықталды.

Осы факті бойынша сот қаулысымен жеке кәсіпкер Әкімшілік құқық бұзушылық туралы кодекстің 476-бабымен кінәлі деп танылып, 10 АЕК (26510 теңге ) мөлшерінде айыппұл салынды.

Аудан прокуратурасы төтенше жағдай кезінде белгіленген режимді бұзу, талаптарды орындамау, көрінеу жалған ақпараттарды тарату жағдайлары бойынша қатаң шаралар қабылданатынын түсіндіреді.

Қармақшы ауданының прокуратурасы