"Рәміздерім – мақтанышым"

ЖОСАЛЫ, 14 наурыз – qarmaqshy-tany.kz Академик С.А.Джиенкулов атындағы Байқоңыр колледжінің білімгерлеріне «Тарих» пәнінің оқытушысы Өмірзақ Шолпан Қалыбекқызы «РӘМІЗДЕРІМ-МАҚТАНЫШЫМ!» тақырыбында дөңгелек стол өткізіп, мемлекеттік рәміздеріміздің маңыздылығын түсіндіре келе әлеуметтік желілерде мемлекеттік рәміздерімізді заңсыз, орынсыз қолданып, қорлағандардың әкімшілік жазаға тартылғандары жайлы видеоролик көрсетіп, жан-жақты құқықтық ақпарат берді. Дөңгелек столға Байқоңыр қалалық сотының қызметкері Нұргүл Нұрбайқызы қатысып, ҚР Туын, ҚР Мемлекеттік Елтаңбасын, олардың бейнелерін заңсыз пайдалану, Мемлекеттік Гимннің Қазақстан Республикасы заңнамасының талаптарын бұза отырып пайдалану және орындау мәселесі жауапкершіліктерін түсіндірді. Білімгерлер сұрақтар қойып, заң тұрғысынан толық ақпарат алды.