» » Оқушылардың демалысы 16 наурыздан басталады – үкімет арнайы шаралар қабылдады

Оқушылардың демалысы 16 наурыздан басталады – үкімет арнайы шаралар қабылдады

Үкімет арнайы баспасөз мәслихатын өткізіп, коронавирустың алдын алу бойынша қосымша шаралардың енгізілетінін мәлімдеді. Мектеп оқушылары 21 наурыздан емес, 16-сынан бастап каникулға шығады. Бұл туралы үкімет басшысының орынбасары Ералы Тоғжанов мәлім етті, деп хабарлайды Sputnik Қазақстан.

Премьер-министрінің орынбасары Ералы Тоғжановтың айтуынша, коронавирустың таралуына жол бермеу жөніндегі ведомствоаралық комиссия қосымша шараларды әзірледі.
"Күні кеше Дүниежүзілік денсаулық сақтау ұйымы коронавирустың таралуына байланысты жағдайды пандемия деп жариялаған болатын. Осыған байланысты Қазақстанның президенті Қасым-Жомарт Тоқаев нақты тапсырмалар берді. Сол бойынша бүгін комиссия бірқатар нақты шешімдер қабылдады. Алдымен 13 наурыздан бастап көпшілік іс-шараларға, соның ішінде мерекелік, спорттық, мәдени-көпшілік шаралар, конференциялар, семинарлар мен көрмелерді өткізуге тыйым салынады", - деді Тоғжанов астанада өткен баспасөз мәслихатында.
Оның айтуынша, барлық қоғамдық орындар күшейтілген санитарлық-дезинфекциялық режимге көшеді.
"Каникул кезінде оқушылардың өңірден тыс жерлерге экскурсия жасауына тыйым салу, қоғамдық көлікті жуу мен дезинфекциялау, орта білім беру ұйымдарының каникулға 2020 жылдың 16 наурызынан бастап 5 сәуір аралығында шығуын қамтамасыз ету, 16 наурыздан бастап колледж бен жоғары оқу орындарын қашықтықтан оқытуға, оның ішінде білімді бағалаудың барлық түрлерін қашықтықтан жүргізуге ауыстыру, 1"а", 1"б", екінші және үшінші санаттағы елдерге халықаралық спорттық, мәдени туристік шараларға тыйым салу сияқты уақытқа шаралар қабылданады", - деп атап көрсетті Тоғжанов.
Айта кетейік, жоспар бойынша мектеп оқушылары 21 наурыздан бастап каникулға шығуы тиіс еді.
12 наурыз 2020 ж. 444 0

PDF нұсқалар мұрағаты

№41 (9895)

02 маусым 2020 ж.

№40 (9894)

30 мамыр 2020 ж.

№39 (9893)

26 мамыр 2020 ж.

Суреттер сөйлейдi

Жаңалықтар мұрағаты

«    Маусым 2020    »
ДсСсСрБсЖмСбЖс
1234567
891011121314
15161718192021
22232425262728
2930