Қарым-қатынасты түзетуге арналған тренинг өткізілді
ЖОСАЛЫ, 6 наурыз – qarmaqshy-tany.kz Қәзіргі білім беру жүйесіндегі өзекті мәселелердің бірі – инклюзивті білім беру. Колледжімізде «Инклюзивті ортаны және тұлғааралық, топішілік қарым-қатынасты түзетуге» арналған тренинг өткізілді. Инклюзив (лат. Includio – кірістіремін, қосамын) деген мағына білдіреді.
Инклюзив білім беру – этникалық тегіне, діни сеніміне, экономикалық мәртебесіне және дамуындағы ерекшеліктеріне қарамастан, барлық балалардың білім алуына және әлеуметтік бейімделуіне жағдай жасау үрдісі. Осыған орай колледжіміздің педагогтары тренингке қатысты. Тренингте мүмкіндігі шектеулі адамдардың рөлдерін (есту, көру, сөйлеу мүмкіндіктерінен айырылған, тірек қозғалысы бұзылған ) адамдардың мәселелерін түсініп, ойларын ортаға салды.
