Қызылорда халқының 97 пайызы орталықтандырылған ауыз сумен қамтамасыз етілген
Қызылорда облысы халқының 97 пайызы орталықтандырылған ауыз сумен қамтамасыз етілген, деп жазады Kyzylorda-news.kz.
«Халықтың табысы мен өмір сүру сапасынарттыру – мемлекет пен барлық деңгейдегі әкімдердің жұмысының басты критерийі. Ал, бұл халықтың тек өмір сапасының ғана емес, оның денсаулығының да жақсаруына әсер ететінін білеміз. Сондықтан, 2023 жылға қарай бұл көрсеткішті 100 пайызға жеткізуді көздеп отырмыз», – дейді Қызылорда облысының әкімі Қуанышбек Ысқақов халық алдындағы есепті кездесуіндегі баяндамасында.
Қазіргі таңда Үкіметке биыл Арал ауданының Ақбасты, Тоқабай, Абай елді мекендерін Арал-Сарыбұлақ топтық су құбырына қосу, Шиелі ауданында «Тақыркөл» бас тоғанынан №3 сорғы станциясына дейінгі магистральдық суағардың екінші желісін салу жобаларын іске асыруды бастау қажеттігі ұсынылған. Бұл жобалар Қызылорда облысын әлеуметтік-экономикалық дамыту кешенді жоспарының 2021 жылғы іс-шараларына енгізілген.
Аталған жобалар іске асырылғанда 38 мыңнан астам ауыл тұрғындары сапалы ауыз сумен қамтамасыз етіледі.
