Қазақстандық зілтемірші жасөспірім әлемдік рекорд орнатты (ВИДЕО)
Ташкентте өткен жасөспірімдер арасындағы Азия чемпионатында 16 жастағы Рахат Бекболат әлемдік рекорд орнатты, деп хабарлайды Skifnews.kz ақпарат порталы.
Қазақстан ауыр атлетика федерациясы мәлім еткендей, споршы қоссайыс нәтижесінде 356 келіні (158+198) бағындырып, 17 жасқа дейінгі жасөспірімдер және 20 жасқа дейінгі жастар арасында чемпион атанды. Сондай-ақ, қазақстандық зілтемірші жасөспірімдер арасында серпе көтеру жаттығуында әлемдік рекорд орнатты. Айта кетсек, Азия біріншілігіне елімізден 10 спортшы қатысқан болатын. Олардың барлығы жүлделі орындарға ие болды. Жалпы, Қазақстан командасының қоржынында 9 алтын, 2 күміс және 3 қола медаль бар.
