Абзал жандар "Абай залында"
ЖОСАЛЫ, 13 ақпан – qarmaqshy-tany.kz Жақында орталық кітапханада Ұлы ақынның 175 жылдық мерейтойына орай "Абай залы" ашылды. Залда Абай Құнанбайұлының кітаптары, дереккөздері мен портреті орналасқан.
Міне, осы залдың тыныс-тіршілігімен танысу мақсатында Қармақшы аудандық амбулаториялық-емханалық қызметі бар орталық ауруханасының мамандары барды. Арнайы бөлмеде ақын шығармаларын оқып, қызықтаған дәрігер жандар Ұлы тұлға Абайдың еңбектерімен тағы бір мәрте танысты.
– Абай әлемі мен өміріне қызықпайтын жан қатары аз емес. Оның әр сөзінде өмірлік сабақ, ақыл мен үндеу бар. Осы рухани құндылықты тағы бір мәрте санамызға сіндіру үшін кітапханаға арнайы келдік. Экскурсия барысында кітапхана директоры Күлшара Қаниева бұл залдың ерекшеліктері және құндылықтарымен таныстырды. Өзара Абай Құнанбайұлының қара сөздерін, өлеңдерін оқып, жұмыстан бөлек сергіп қайттық, – дейді психолог Ақтолқын Нұрмағанбетова Аслан НҰРАЗҒАЛИ
