"Абай" залы ашылды (фоторепортаж)

Көрменің ашылу салтанатына аудан әкімі Мұса Оспанұлы, аудан әкімінің орынбасары Жарқын Тұрмаханұлы, аудан ардагерлері мен ұзақ жылдар мәдениет саласында жемісті еңбек еткен ардагер кітапханашылар мен оқырмандар қатысты.

Мерейтойлық көрме ІІІ бөлімнен тұрады. Көрменің І бөлімі – Алтын Орданың 750 жылдығына арналған «Алтын Орда – Ұлы дала тарихы», ІІ бөлімі – ғұлама ғалым, философ Әбу Насыр Әл-Фарибидың 1150 жылдық мерейтойына арналған «Әл-Фараби және оның рухани мұрасы» деп аталса, ІІІ бөлім – «Еріктілік риясыз жақсылық жасау» атауымен берілген.

Мәдениет саласының ардагері Бибайша Жанахаева және кітапхананың тұрақты оқырманы  Әлім Ұзақбаев ағамыз ұлы ақын Абай Құнанбайұлының 175 жылдығына арналған «Абай» залының лентасын қиып, орталық кітапхананың директоры Қаниева Күлшара Бөгенбайқызы «Абай» залын таныстырды. Кітапханада ашылған «Абай» залы – жыр сүйер оқырман үшін ерекше салтанатты, ұлағаты мол орынға айналатынын кеш қонақтары айрықша атап өтті.