Жеңіспен оралды
Бәрекелді. Тағы бір жеңіс. Ақтөбе ауылындағы №109 орта мектебінің оқушылары Қызылордада өткен "Адал ұрпақ – Мәңгілік ел болашағы" атты халықаралық балалар мен жастар байқауына қатысты. "Қол өнер" номинациясы бойынша 6 сынып оқушысы Ләззат Тәтеева бас жүлде, 7 сынып оқушысы Дильназ Мейрамбекқызы 1 орынды жеңіп алып, Алматы қаласында өтетін жартылай финалға жолдама алды. Жеңіспен оралған шәкірттерін мектеп директоры Б.Алмағамбетов құттықтап, байқауға дайындаған технология пәнінің мұғалімі Қ.Мерекова мен ата-аналарға ризашылығын білдірді.
