Облыстық кезеңіне жолдама алды
Қармақшы аудандық білім бөлімінің ұйымдастыруымен кент орталығындағы №26 орта мектеп базасында жалпы білім беретін ұйымдардың 7-11 сынып оқушылары арасындағы қазақ тілінен «Жарқын болашақ» республикалық олимпиадасының аудандық кезеңі өткізілді.
Олимпиада 5 бағытта жұмыс жүргізді: «Тілші-әдебиетшілер», «Жас ғалымдар», «Жазушылар», «Сөз шеберлері», «Әнші бұлбұлдар». Нәтижесінде «Тілші-әдебиетшілер» номинациясы бойынша №274 мектептің 11 сынып оқушысы З.Налибаева, «Жас ғалымдар» номинациясы бойынша №109 мектептің 10 сынып оқушысы Н.Алмасова, «Жазушылар» номинациясы бойынша №30 мектептің 9 сынып оқушысы С.Ұзақбаева, «Сөз шеберлері» номинациясы бойынша №277 мектеп 11 сынып оқушысы А.Әбимолдаев, «Әнші бұлбұлдар» номинациясы бойынша №273 мектептің 9 сынып оқушысы Т.Нагиметуллаевалар олимпиаданың ІІ облыстық кезеңіне жолдама алды.
