Көрмеге жыраулар үйінің шәкірттері, жас өлкетанушылар №121 мектеп жанынан құрылған «Жас ұлан» ұйымы мүшелерінің қатыстырылды.
Көрме барысында музейдің экскурсоводы Н.Канибаев музей қорының экспонаттарының тарихи маңыздылығына түсіндірме жұмыстарын жүргізсе, жыраулар үйінің қызметкері, өлкетанушы А.Скендиров Қорқыт ата ескерткіш-кешенінің салыну тарихына, көркемдік деңгейіне, тарихи мифологиялық мазмұны мен заманауи талаптарға сай терең архитектуралық шешіміне және соңғы үлгіде жасалған берік құрылыс материалдарымен қайта жаңғыртылған жұмыстарына тоқталды. Сөз барысында №121 мектептің тәлімгері, тарих пәнінің мұғалімі Т.Бұқпанов мұндай тағылымды шаралар жастардың тарихқа, отанды сүюге бағыттайтындығын атап өтсе, К.Рүстембеков атындағы жыраулар үйінің директоры А.Бүрлібаев: Қорқыт ата мұрасының көркемдік ерекшеліктері мен мазмұны, тілдік түрлі айшықтары, тарихи белгілер мен жәдігерлік деректерінің бірі оның күйлері екендігіне тоқталып өтті.
Бұл орайда қобыздық күйлер болып келетін «Қорқыт», «Желмая», «Тарғыл тана», «Елім-ай», «Ұшардың ұлуы» деп аталатын күйлері бар екендігін атап өткеніміз жөн. Осы бағытта жыраулар үйінен арнайы «Қобыз» үйірмесі ашылып, ақысыз шәкірттер тәрбиеленіп жатқандығын тілге тиек етті.
Қорыта келе, бұл күнде соққан желмен бірге күңіреніп күй шертетін Қорқыт ескерткіші жолаушылар мен келушліердің, халықтың зиярат ететін қасиетті жеріне айналған. Осындай ұлттық мұраларымызды жас ұрпаққа насихаттаудағы шаралар жалғасын таба бермек.