» » КӨНЕ ДҮНИЕ КҮМБІРІ

КӨНЕ ДҮНИЕ КҮМБІРІ

Ескерткіштер әрбір елдің тарихы мен өткенінен сыр шертер халықтың ұлттық байлығы ғана емес, сол елдің өткені мен бүгінін саралайды, сөйтіп, келешек ұрпаққа тәлім-тәрбие беруде маңызы зор. 1983 жылы ЮНЕСКО жанынан құрылған Халықаралық ескерткіштер мен көрнекті орындарды қорғау мәселелері жөніндегі кеңес ассамблеясы «18 сәуір – тарихи ескерткіштер мен тарихи орындарды қорғаудың Халықаралық күні» деп бекіткен болатын.
Бүгінгі күні аудан көлемінде 85 тарихи-мәдени мұра объектілері мемлекет қорғауына алынған, олардың 6-ы республикалық, 43-і жергілікті маңызы бар объектілер. Ал, 36 нысан тарихи-мәдени мұра объектілерінің алдын-ала тізіміне енгізілген.
Ендігі кезектегі міндетіміз – тарихи ескерткіштерді жас ұрпаққа, мектеп оқушылары мен жастар арасында насихаттау, туристік нысанға айналдыру бағытындағы шараларды кешенді түрде ұйымдастыру болып табылады.
Қармақшы ауданы әкімінің орынбасары Е.Меңлібаевтың 18 сәуір – халықаралық ескерткіштер мен тарихи орындар күнін өткізуге арналған арнайы іс-шаралар жоспары бекітіліп, жоспарға сәйкес кент, ауылдық округтер мен мәдениет, білім беру ұйымдарында мәдени көпшілік шаралар, тарихи танымдық сағаттар, сенбіліктер өтуде.
Осы ретте К.Рүстембеков атындағы Жыраулар үйінің ұйымдастыруымен №121 орта мектеп ғимаратында осы мектептің «Жас Ұлан» ұйымы мүшелерінің атсалысуымен «Көне дүние күмбірі» атты тарихи-танымдық шара өтті.
Шараның мақсаты – жастардың назарын мәдени мұраларға аударуды, тарихи орындарға қызығушылықты оятуды, сондай-ақ рухани және мәдени құндылықтарды қалыптастыруды көздейді.
Шара барысында өлкетанушы, жыраулар үйінің қызметкері А.Скендіров аудан көлеміндегі өңірдің қасиетті орындары мен археологиялық, қала құрылысы және сәулет ескерткіштерінің тарихи маңыздылығына тоқталды.
Сондай-ақ мектеп тәлімгері Т.Бұқпанов тарихи және мәдени мұраларымызға бүгінгі күні тың серпілістердің атқарылып жатқандығын тілге тиек етсе, жас ұландықтар өз ойларын ортаға салды.
Қармақшы ауданы әкімінің баспасөз қызметі
18 сәуір 2019 ж. 193 0

PDF нұсқалар мұрағаты

№63 (9815)

16 тамыз 2019 ж.

№62 (9814)

12 тамыз 2019 ж.

№61 (9813)

09 тамыз 2019 ж.

Хабарландыру

Хабарландыру

Хабарландыру

19 тамыз 2019 ж.
Хабарландыру

Хабарландыру

15 тамыз 2019 ж.

Жаңалықтар мұрағаты

«    Тамыз 2019    »
ДсСсСрБсЖмСбЖс
 1234
567891011
12131415161718
19202122232425
262728293031