Автожолдар күрделі жөндеуден өтті
ЖОСАЛЫ, 30 қаңтар – qarmaqshy-tany.kz Автокөлік жолдарын жөндеу жұмыстарына да үлкен мән берілуде. 2019 жылы аудандық маңызы бар "Самара-Шымкент-Ақжар-Көмекбаев" автомобиль жолының күрделі жөндеу жұмысына облыстық бюджеттен 22,8 млн.теңге қаржы бөлініп, 500 метр автожол бөлігін күрделі жөндеуден өткізді.
2019 жылы облыстық бюджет есебінен ағымдағы жылы Тұрмағамбет ауылындағы 1,6 шақырымды құрайтын Текей батыр көшесіне орташа жөндеу жұмыстарын жүргізуге 32,4 млн теңге қаржы бөлініп, жөндеу жұмыстары атқарылып пайдалануға берілді.Сонымен бірге аталған ауылдағы Ешнияз сал көшесін жарықтандыруға облыстық бюджеттен 21,2 млн теңге бөлініп, қазіргі таңда жарықтандыру жұмысы жүргізілді.
Ауыз сумен қамтамасыз ету бойынша, елді мекендерді ауыз сумен қамтамасыз етуге байланысты 2019 жылы «Қармақшы ауданы Ақай елді мекенінің тұрғын үйлерін ауыз сумен қамту» нысаны бойынша облыстық бюджеттен 56,8 млн.теңге қаралып, құрылыс жұмыстары аяқталды.
