Саламатты өмір салтын ұстану маңызды
ЖОСАЛЫ, 24 қаңтар – qarmaqshy-tany.kz Қызылорда облысы Қармақшы ауданы Ақтөбе ауылындағы "Қармақшы аудандық білім бөлімінің 109 орта мектебі" коммуналдық мемлекеттік мекемесінде 2020 жылдың 21 қаңтары күні "Құқық бұзушылықтың алдын алу, зиянды әдеттердің зияндылығын түсіндіру мақсатында" мобильді топ 9-11 сынып оқушыларына интернеттің зияндылығы, "СНЮС" шешуге арналмаған темекі және темекісіз өнімдердің , психикалық белсенді заттардың зияны туралы түсіндірме жұмыстарын жүргізді.
Мобильді топ құрамында "Қармақшы аудандық тауарлар мен көрсетілетін қызметтің сапасы мен қауіпсіздігін бақылау басқармасының" бөлім басшысы Г.Медеуова, аудандық білім бөлімінің әдіскері А.Тоқшылықова, Жастар денсаулық орталығының психологы Қ.Алданазарова, Қармақшы АПБ-нің ювеналды полиция тобының аға инспекторы Р.Әбдрахманов, аудандық "Жастар ресурстық орталығының" директоры Ә.Ыбрахим және теолог Ж.Ысқақов болды.Іс-шараға мектеп директоры Б.Алмагаебетов, директордың тәрбие ісі жөніндегі орынбасары Қ. Сәденов,тәлімгер Н.Алмабай, мектеп психологы Е.Бодықов қатысты.Оқушылар мобильді топ мүшелеріне өздерін толғандырып жүрген сұрақтарын қойып, тұшымды жауаптар алды.
