Қоянбаев миллиардер атанды
Отандық киномандар таласа тамашалаған картиналар тізімі анықталды. «Тicketon.kz» сайтының мәліметінше, өткен уик-эндте табысты туындылар көшін «Бизнес по-казахски в Корее» фильмі бастайды.
Айналымдағы үшінші аптада да бірінші орынға жайғасқан Нұрлан Қоянбаевтың комедиясы 45 млн теңге пайда тапты. Осымен төртінші бөлімі жарық көрген сиквел, басы-қасы 1 млрд теңгеден астам кіріс көріп, қазақ киноиндустриясында рекорд орнатты.Еске салсақ, бұл жолы картинаның сюжет желісі Оңтүстік Кореяда өрбиді. Бәз-баяғы Еркош таңғы балғындық еліне аттанған Жомарт пен Аленның артынан іздеп бармақ болады. Алайда, ол рейсінен шатасып, Солтүстік Кореялықтардың тұтқынына түседі.
