«Nur Otan» партиясы жанындағы «Jas Otan» жастар қанатының бастамасымен 2020 жылдың 6-15 қаңтар аралығында елімізде «Қауіпсіз қала» атты республикалық акциясы бастау алған болатын. Акция аясында Қармақшы ауданының Төтенше жағдайлар бөлімінің қызметкерлері, «Nur Otan» партиясы жанындағы «Jas Otan» жастар қанатының Қармақшы аудандық бөлімшесінің еріктілері, аудандық полиция бөлімі мен аудан әкімдігінің қызметкерлері және «Қармақшы таңы» газетінің тілшісімен бірлесіп, аудан аумағында орналасқан өрт сөндіру гидранттарының люктерін қарап шықты. Іс-шара барысында 40 өрт сөндіру гидранттарына мониторинг жұмыстары жүргізілді.