4556 алкагольды ішімдік құжатсыз сақтауда тұрған
ЖОСАЛЫ, 30 желтоқсан – qarmaqshy-tany.kz Ауданы бойынша Мемлекеттік кірістер басқармасы қызметкерлерімен, аудандық Ішкі істер бөлімі және "Nur Otan" Партиясының Қармақшы ауданы филиалы өкілдерінің қатысуымен көлеңкелі экономиканы төмендету мақсатында аудан көлемінде тақырыптық тексеру жүргізілді. Тексеру нәтижесімен Жосалы кентіндегі сауда дүкенінің бірінен және қоймасынан 4556 дана алкагольды ішімдік өнімдерінің ілеспе жүк құжаттарынсыз сақтауда тұрғандығы анықталды. Бүгінгі күні аталған іс бойынша әкімшілік құқық бұзушылық хаттамасы толтырылып, жинақталған іс құжаттары сот органына жолдануда. Алдағы уақытта тақырыптық тексеру жалғасын таба беретін болады.
