Алматы маңындағы ұшақ апатында ІІМ-нің бұрынғы орынбасары қайтыс болды
«Генералдар кеңесі» үкіметтік емес ұйымы төралқасының төрағасы, әділет генерал-майоры, КСРО ІІМ-нің еңбек сіңірген қызметкері Қайдаров Рүстем Есімханұлы ұшақ апатынан қайтыс болды. Бұл ақпаратты қоғамдық бірлестіктің мүшесі Махмұт Телегусов растады. Бортында 95 жолаушысы бар Bek Air ұшағы 27 желтоқсанда таңертең апатқа ұшырады. Президент Қасым-Жомарт Тоқаев қаза болғандардың отбасыларына көңіл айтып, жауаптыларды жазалауға уәде берді. Қазақстандағы апаттан кейін Fokker-100 рейсі тоқтатылды.
