Швейцарияда ұшақ апатынан 20 адам қаза тапты

Швейцарияда ІІ дүниежүзілік соғыс кезінде шығарылған ұшақ апатқа ұшырап, ішінде болған 20 адам қаза тапты.
Швейцариялық және австриялық туристер мінген Юнкерс екі жарым мың шақырым биіктікте тауға соқтыққан. Әуе апаты сенбі күні болған, бірақ полиция бұл туралы тек бүгін хабарлады. Швейцария әскери авиациясы қауымдастығына тиесілі ұшақ Альпі тауларына екі күндік саяхапен шыққан екен. Жергілікті прокуратура апатқа байланысты қылмыстық іс қозғады. Көне ұшақ қара жәшікпен жабдықталмаған, сондай-ақ апат болған Альпі тауларының осы аумағы радармен бақыланбайды. Сол себептен тергеу ұзаққа созылып кетуі мүмкін.