Ұстаздар алғыс айтты
ЖОСАЛЫ, 26 желтоқсан – qarmaqshy-tany.kz Қармақшы ауданы «Т.Ізтілеуов атындағы №29 қазақ орта мектебі» коммуналдық мемлекеттік мекемесіндегі ұстаздар дән риза. 23.12.2019ж күні Тұрмағамбет ауылында Тұрмағамбет «ЖШС»-де «Сабантой – 2019» шарасы өтті.
Ауылды дүбірлі мерекеге бөлеген іс шараға Социалистік Еңбек Ері, Батыр Ана Сәлима Жұмабекова, Аудан әкімі Мұса Оспанұлы Қалдарбеков, Аудан әкімінің орынбасары Әділ Үсенұлы Қошалақов, Аудандық мәслихат хатшысы Марат Наятұлы Ерманов қатысып, ел – халықтың берекесі тасыған мерекелі күндеріне қуаныштарына ортақтасып құттықтау лебіздерін арнады. Жаңадан ашылған «Сәлима Ана» балабақшасына аялдап, бүлдіршіндерге жаңа жыл қарсаңында мол ойыншықтар тарту етілді. Сәлима апай батасын берді. Мерекелік шара ауылдың Қуандық Бүрлібаев атындағы клуб үйінде жалғасты. Нұржан Пірмантаев басқаратын Тұрмағамбет «ЖШС» барша халықты қуанышқа бөлеп, ауылдағы аз қамтамасыз етілген отбасыларына теледидар сыйлығын тарту етті. Одан кейін әр мекемелерге мерекелік шарадан естелік қалдырды. Ең маңыздысы мектеп мұғалімдерін қуантқаны болды. Мұғалімдер бөлмесіне үлкен стол, он орындығымен, екі диван, төрт люстра, бір кілем, киім ілетін шкаф стол, кресло бұйымдарын сыйға тартты. Халықтың баласын тәрбиелеп отырған ұстаздар қауымына жаңа жыл қарсаңында қолдау көрсеткен Нұржан Айдарбекұлына, шаруашылық қызметкерлеріне, ауыл еңбеккерлеріне барша ұстаздар атынан алғыс айтты.
