«Қорқыт» құрамасына облыс әкімінің алғысы табысталды
Көңілді тапқырлар алаңы ойындарының 2019 жылғы чемпионы «Қорқыт» құрамасы облыс әкімінің құттықтау алғысымен марапатталды. Жеңімпаз команданы арнайы аймақ басшысының Алғысымен облыс әкімінің орынбасары Наурызбай Байқадамов марапаттады.
Арнайы қабылдауға шақырылған команда мүшелерімен кездескен Наурызбай Байқадамов жастардың қоғамдық өміріндегі белсенділігі үшін алғыс білдіріп, жастардың әзіл әлеміндегі орнының қалыптасуына күш салуды тапсырды. Команда тәжірибесін келешек жас командаларға үлгі етуіміз қажеттігін атап өтіп, финалдық жеңісімен құттықтады.
Кездесу барысында команда мүшелері ақтық ойындағы қызықты сәттерімен бөлісіп, алдағы жоспарларын да тілге тиек етті.
Айта кету керек, «Қорқыт» құрамасы КТА ойындарының 2019 жылдың ең үздік командасы ретінде танылып, финалдық кубок игері атанды.
